علمى ولادك مراحل تطور الفراشة بالخطوات التوضيحية و الفديوهات التاكيدية مع مهندسة سلفية
كاتب الموضوع
رسالة
as7btko Admin
عدد المساهمات : 131 نقاط : 312 تاريخ التسجيل : 16/09/2012 العمر : 42
موضوع: علمى ولادك مراحل تطور الفراشة بالخطوات التوضيحية و الفديوهات التاكيدية مع مهندسة سلفية الخميس سبتمبر 20, 2012 8:27 am
عاملين ايه يا قمرات ؟ موضوعى انهاردة عن تعليم الاطفال مراحل تطور الفراشة الحاجات دى يا جماعة بتوسع مدارك الطفل و تخليه يفكر و يسال و يتعلم بس اهم حاجة اننا بنعلمها ليه كنوع من اللعب و التشويق مش دراسة معمليه فذة كانة هياخد الدكتوراه الاول هنتكلم مع الطفل عن الفراشة و نوريه الوان الفراشات و اشكالها مثلا و يا سلام بقى لو انتوا برا البيت و شفتوا فراشة تقولى له انت عارف ان الفراشة اصلا دودة هيقولك ازاى ؟! تقوليلو اول ما نرجع هاوريك ازاى بتتحول من دودة لفراشة
كدة انتى شوقتيه للمعلومة و خليتى مخة جاهز لاستقبالها و تثبيتها اكتر
ملحوظة :الموضوع دة بكل مكوناتة ياخد معانا بتاع اسبوع او حسب ما تقدرى مش كلة مرة واحدة يعنى
نبتدى بقى بسم الله
as7btko Admin
عدد المساهمات : 131 نقاط : 312 تاريخ التسجيل : 16/09/2012 العمر : 42
موضوع: رد: علمى ولادك مراحل تطور الفراشة بالخطوات التوضيحية و الفديوهات التاكيدية مع مهندسة سلفية الخميس سبتمبر 20, 2012 8:47 am
الاول هتوريه الفديو دة لمراحل تطور الدودة لشرنقة بالتفصيل و من الطبيعة ...بجد حيذهل زى ولادى بالظبط
بعد كدة بقى توريه الفديو دة و هو للمرحلة كاااااااااملة من دودة لسه طالعة من البيضة لفراشة بردة من الطبيعة ..
استنى قبل ما تفتحى الفديو :الفديو فيه موسيقى بالله عليكى تدوسى على الزرار اللى عليه سماعة علشان تقفلى الموسيقى قبل ما تتفرجى عليه انتى وولادك حتى لو بتسمعيها عادى ...مش ناوية تعملى كدة يبقى عذرا متتفرجيش عليه من موضوعى ابقى دورى على النت هتلاقى كل حاجة مع نفسك ..اللهم بلغت اللهم فاشهد و لا اسامح اى واحدة تحملنى ذنب سماع موسيقى و انا كل هدفى من الموضوع اصلا الافادة و الله .
as7btko Admin
عدد المساهمات : 131 نقاط : 312 تاريخ التسجيل : 16/09/2012 العمر : 42
موضوع: رد: علمى ولادك مراحل تطور الفراشة بالخطوات التوضيحية و الفديوهات التاكيدية مع مهندسة سلفية الخميس سبتمبر 20, 2012 8:55 am
بعد كدة بقى لازم يبقى فيه تطبيقات عمليه للى الطفل فهمة و استوعبة من القصة دى فى كل المجالات و علشان كمان نثبت المعلومات دى بس بردة بطريقة لعب مش دراسة علشان الطفل مينفرش مننا و يهرب يعنى تخلية مثلا
يرسم فى كراسة الرسم بتاعته مراحل التطور دى بطريقتة
او تعملى معاه حاجة زى كدة عن مراحل التطور كاملة و تعلقيها فى الاوضة بتاعته
ممكن نعمل رسمة زى كدة ورود و عليها ارقام و فراشات و عليها نفس الارقام و ممكن بالنقط على اجنحة الفراشات علشان يعد و نطلب منه يحط الفراشة على الوردة اللى زيها فى الرقم
عدد المساهمات : 131 نقاط : 312 تاريخ التسجيل : 16/09/2012 العمر : 42
موضوع: رد: علمى ولادك مراحل تطور الفراشة بالخطوات التوضيحية و الفديوهات التاكيدية مع مهندسة سلفية الخميس سبتمبر 20, 2012 9:00 am
الجانب الترفيهى بقى مهم جدا مننساهوش زى القصة ...دى قصة عن الغرور
كان هناك فراشة اسمها (زينة) فراشة جميلة تعيش مع صديقاتها الجميلات في بستان مليء بالازهار لكنها كانت اجمل فراشات البستان،لان اجنحتهاملونة بازهى الالوان نظرت (زينة) الى صديقاتها فلم تجد واحدة تشبهها،فدخل الى قلبها الكبر والغرور.
وذات يوم ،مرت فراشة اسمها (فاتنة) على غصن تقف عليه (زينة)، فأحبت ان تكلمها وتلعب معها.قالت الفراشة فاتنة: ((لقد احببتك ايتها الاميرة،فهل يمكن ان اكون صديقة لك؟ نطير معا ونلعب معا.
حزنت فاتنة من كلام زينة،وقالت في نفسها: ((يا لها من فراشة مغرورة! انا لا اريد صديقة مثلها)).
وفي ليلة من الليالي،خرجت زينة الى شجرة فيها بيت عنكبوت شرير فعلقت اجنحتها بخيوط ذلك البيت. صرخت زينة باعلى صوتها ((انقذوني ، انقذوني)) وبدات تبكي لانها لم تستطيع الهروب. سمعت فاتنة صراخ زينة، فنادت جميع صدقاتها، وطارت مسرعة نحو مصدر الصوت . اجتمعت الفراشات عند بيت العنكبوت الشرير و استطاعت ان تخلص زينة من خيوط البيت بعد تعب شديد.
تمزقت اجنحت الفراشة الجميلة زينة،وخسرت جمالها فتركت البستان واختفت فترة طويلة وعندما شفيت زينة و ونمت لها اجنحة جديدة، فرحة لعودة جمالها، و الحمد لله على ذلك. رجعت زينة الى بستانها، وطلبت من فاتنة ان تسامحها ،وصارت صديقة عزيزة لها ،تلعب معها دائما بتواضع وحب .
و دى قصة حلووووووة جدا تعلم الطفل قيمة هامة و هى الرضا بما قسم الله و ان و عسى ان تكرهوا شيئا و يجعل الله فيه خيرا كثيرا ..دة اللى انتى تعلميه ليه من القصة فى الاخر يعنى
سال أحدهم الله سبحانه وتعالى أن يمنحه.......... وردة..... وفراشة........
عوضا عن الوردة والفراشة
أعطاه الله صبار......
ويرقة........
حزن الرجل ولم يفهم لماذا لم يعطه الله ما تمنى وبعد مدة من الوقت........
كانت المفاجأة......
فمن الصبار الشائك نمت وردة جميلة ورائعة....
واليرقة القبيحة
تحولت إلى أجمل وأروع فراشة
و دة النشيد من غير موسيقى الحمد لله
و دة نشيد بالانجليزى بردة
Flutter, Flutter, Butterfly (Original Author unknown) Tune of: "Twinkle, Twinkle, Little Star" Flutter, flutter, butterfly. Floating in the summer sky. Floating by for all to see. Floating by so merrily. Flutter, flutter, butterfly, Floating in the summer sky.
بس كدة يا قمرات و انتى بقى و ابداعك لاى اضافة للموضوع دة مع ولادك يا رب اكون قدرت افيدكم و انا بجد تعبت جدا فى الموضوع و الله و انا مبطلبش منكم تقييم بس بطلب دعوة حلوة من القلب بصلاح احوالى لانها ملخبطة حبتين و ان ربنا يتمم ولادتى على خير
علمى ولادك مراحل تطور الفراشة بالخطوات التوضيحية و الفديوهات التاكيدية مع مهندسة سلفية
موضوع: علمى ولادك مراحل تطور الفراشة بالخطوات التوضيحية و الفديوهات التاكيدية مع مهندسة سلفية 
الخميس سبتمبر 20, 2012 8:27 am
