as7btko Admin
عدد المساهمات : 131 نقاط : 312 تاريخ التسجيل : 16/09/2012 العمر : 42
| موضوع: امومتك ليست نهاية حياتك ! الثلاثاء سبتمبر 18, 2012 7:36 am | |
| k]]االسلام عليكم و رحمة الله و بركاتة
ازيكوا يا قمرات الموضوع دة على اد ما هو بسيط على اد ما هو مهم جدا جدا كلنا تعبانيين اوى مع ولادنا و فى بيتنا و دايما الضغط كله يطلع على الاولاد للاسف و لو فكرتى شوية هتلاقى ان السبب الرئيسى فى دة انك انتى مش واخدة حقك ..........صح ؟
تلاقى كل الشكاوى "انا تعبت" ..."انا بقيت متبهدلة بسببكم " ..." مش عارفة اعمل حاجة لنفسى" ..."محدش حاسس بيا" و هكذا .
و هنا الغلط يا جماعة
فكرة انك علشان الام يبقى انتى خلاص انتهيتى و لازم تبقى شمعة تحترق لاجل الاخريين دى غلط
علشان تدى لازم تاخدى لان فاقد الشئ لا يعطيه
كلنا وقعنا فى الغلطة دى و انا لغاية دلوقتى بعانى منها بصراحة ...اننا ننسى نفسنا و ان ليها حق علينا لازم تهتمى بنفسك علشان تعرفى تهتمى بغيرك و الا هتقصرى فى كله و تبقى معملتيش حاجة بالعكس هتلاقى انك ضريتى اكتر ما فيدتى .
لازم تخصصى لنفسك وقت تعملى فيه شئ يريحك نفسيا زى الاهتمام بشكلك و هواياتك بعيدا عن الواجبات اللى وراكى يوميا زى البيت و العيال و ابوهم يبقى وقت ليكى انتى بس ....بجد و الله بتفرق جدا جدا فى النفسية عاملة زى ال recharge لبطارية الموبيل كدة ...
هتلاقى نفسك بتعاملى ولادك احسن معاملة حتى و هما مدايقينك بس هتلاقى نفسك بتستحملى وواخدة الامور ببساطة اكتر يبقى انتى كدة فيدتى نفسك و افدتيهم بدل ما كنتى بتستنى لهم الغلطة و تديهم اللى فيه النصيب هتبقى معاملتك اهدى بكتير
خدى بالك الطفل مش مسؤل انه يفهم و يحس بيكى و بنفسيتك و لا مسؤل عن غلطك فى عدم اهتمامك بنفسك ...لان الكلمات المشهورة بتاعت "انتوا مش حاسيين انا بعمل ايه علشانكوا" و ما شابه لنفس المعنى مالهاش اى لازمة خصوصا فى السن الصغير لانه مش مسؤل عن تصرفاتك الغلط و نتائجها .
طبعا فى حاجات لازم نفضل فيها ولادنا على نفسنا و نضحى علشانهم ...انا كلامى على الحاجات الغير ضروريه و الزيادة عن اللزوم و اللى تخلينا نوصل اننا نلغى نفسنا و نبقى زيروووووووو خالص .
طيب هسيبكم بقى تقروا موضوع عاجبنى و قلت انقله علشان نستفيد كلنا ان شاء الله
من أجل طفلك..خصصي وقتا لنفسك
هناك حقيقة معروفة للجميع : حتى يكون الإنسان فعالاً ومنتجاً في عمله، فهو في حاجة إلى وقت للراحة.
وهذه الحقيقة تنطبق على العاملين في كل المجالات، فكيف بالأحرى على الأم، خصوصاً إذا أخذنا بعين الاعتبار التحديات العاطفية والجسدية، التي تواجهها أثناء تربيتها الأطفال، خاصة الأطفال الصغار؟
بكلمات أخرى، الأم لا تحتاج فقط إلى فترة من الراحة، بل عليها، لكي تكون فعالة في عملها، أن تخصص لنفسها هذا الوقت.
فالأم التي تعتقد أن عملها الرئيسي والأساسي، هو رعاية أطفالها والعناية بهم، ليست ملزمة بذلك إلى حد رفض التفكير في المهن والمتع الأخرى في الحياة.
وهي ليست ملزمة بأن تفني نفسها حتى تكون أماً جيدة، كما أنها ليست ملزمة بأن تهلك نفسها حتى تكون أماً مثالية يحتذي بها.
الأم المثالية، هي التي تكون مرتاحة ومقتنعة بعملها بشكل مقبول، وتنجزه وهي تشعر بالسعادة، والتي تخصص لنفسها وقتاً حتى تهتم بنفسها.
إذ إن من المهم أن يشعر، حتى الأطفال الصغار، بأن أمهم تهتم بنفسها أيضاً، إلى جانب اهتمامها بهم.
بالطبع، إن تخصيص الوقت اللازم لك، خلال اليوم الحافل بالعمل، ليس بالأمر السهل. لذا، عندما تجدين هذا الوقت، استخدميه بشكل جيد.
قومي بعمل يُشعرك بالسعادة،.......ك زيارة الأهل أو صديقة، أو قراءة كتاب.. إلخ.
كل واحد منا يسترخي ويستمتع بذلك. لذا لا تبخلي على نفسك. عامليها كما تعاملين طفلك الغالي، واهتمي بها كما تهتمين بالمسؤوليات الأخرى الملقاة على عاتقك.
ولا تشعري بالذنب لأنك أمضيت بعض الوقت في الاهتمام بنفسك، فأنت تستحقين ذلك، وستكونين أما أفضل.[/b] | |
|